BLOGGER TEMPLATES AND TWITTER BACKGROUNDS


فاضل يومان من بعد النهارده والسنه تخلص.....

احساس وحش لما فكرت ان امنية السنه الي فاتت (كانت انك ترجع و....)

عدت بسرعه اوي كانها رافضه رجوعك....
كانها كانت مصره ان شمس نهارها تطلع و قمر ليلها يروح....وقمر ليلها يطلع وشمس نهارها تروح.... وانت لسه بعيد ... تعبت من كتر الجري ورا ايامها ...علي اني اخلي واحد منهم يطول شويه بس كلهم كانوا بيتميزوا بالسربعه.....جايز انا مستنتش كفايه ....ولا ايه؟؟

بحاول اوقف عقارب الساعه اللي بتجري ورا بعضها بس قوتي مكانتش كفايه.....وكل يوم و انا بقطع الورقه من النتيجه كانت بتتقطع من قلبي حته لما حسيت ان كمان 3 ايام هبقي(هند من غير قلب) يمكن ده احسنلي يعني(محدش يعرف يجرحني)مممم بحاول ادور علي اي جانب بس مشرق ايه و الموضوع كله مغيم وشكلها هتمطر....لا استني لقيت جانب منور شويه السنه دي و بكل فخر امنح نفسي المركز الاول مع مرتبت الشرف ف الصبر

:D

الشخبطه هواياتي المفضله لما بتكون حالتي كده .....و الشخبطه طولت معايا المره دي .....
(سؤال يطرح نفسه) هو انا اتجننت ؟
هو ده زهق ولا زي ما انا حاسه انه قرف؟ يمكن قرف متنكرعلي شكل زهق ؟؟ يمكن ملل ؟
 تعرف يمكن ايه؟
يمكن عشان انت بعيد اوي..
بضايق اوي لما افكر ان الاحساس الرخم الي انا حساه ده بسببك بزعل جدا عشان انت ملاك..ازاي تكون السبب ؟

علطول اقول انا السبب .. وديما انا الغلطانه..

ما انا الي غلطانه لاني كلمتك في وقت مزاجك فيه مش تمام..

مش انت الغلطان انك كلمتني وحش!

و انا الي غلطانه لاني كذبت..

مش انت الغلطان عشان هدتني!

وانا الي غلطانه عشان قلقانه عليك..

مش انت الغلطان عشان نسيت تكلمني!

و انا الي غلطانه اني بخاف عليك..

مش انت الغلطان انك بتموتني من الخوف عليك ولا عشان !

وانا الي غلطانه.... انا الي غلطانه علي طول....

وتبقي غلطان و اطلعك براءه قدام نفسك ..والبس انا الاحمر!

لاعتقادي بانك ملاك برئ يحوم حولي......

تعرف فقت امتي..؟!

لما جرحتني و ملقتلكش عذر

لما كسرتني و ملقتلكش سبب

لما دمرتني و ملقتلكش مبرر

لما ظلمتني و ملقتلكش حجه

لما لقيت اني مش لاقيه غلطه امسكها عليا

كلمه قلتها

لما لقيت نفسي مش عرفه احكم عليا لاني و بكل بساطه بريئه

معرفتش حتي الفق تهمه

لما ملقتنيش عرفه حتي اغلط مين....؟

حولت ارمي التهمه علي الظروف(الظروف اضطرتك ل....)

بس الظروف مكنش ليها ذنب....

حولت اقول انه القدر(القدر اسي عليك ف.....)

بس القدر مكنش ضدك....

حولت اقول حجات كتييييربس اكتشفت ان مفيش حاجه رضيت تظلم نفسها عشانك.....

الا انا...........

بس انت (سقت فيها...)

اكتشفت ان الي كنت بتقولي عليها طيبه طلعت هبل......

(تنحت) و انا بفكر كده ياااااااااااه.....طلعت هبله.....

ساعتها (وغصب عني واللهي)ملقتش غيرك احمله مسؤولية غلطك.........


(و اكتشفت اني انا الضحيه) و طلعت انا الملاك..!

i'm not okay at all......


بحس ان كل مصيبه بتيجي عشان تهون عليا المصيبه الي قبلها ...


song....بتقول :
"ليه هنضيع و قلوبنا فيها غرام ؟"

انا دلوقتي عرفت ليه..


very bad mood zeft...


و ازاي الخوف وصلني لدرجت اني مخفش 
يالي فرقتو الحب انا قلبي بجد مخدش*


-قلتله : انت مبسوط؟
-قاللي : لو ماكنتش مبسوط مكنتش جيت..
-قالت : بس انت شكلك مضايق.
-قال : لو كنت مضايق كنت هقولك خليها في و قت تاني.

سرحت في مياه النيل 
وفكرت اني كنت هنبسط اكتر
لو كان قال انا جيت عشان انتي تبقي مابسوطه
او انا بنبسط وانا معاكي 


اليوم هو يوم في ايام كثيره طويله جدا و فارغه جدا*

مليش نفس اعيط , ولا اضحك ..........

كيف بدي سمحواااااااااااااااااااا...؟؟؟

بس لو قولتلي استناك هستناك العمر كله وحياتك هستاك...


ما هو لو كنت هموت من البعد كان زماني مت ....



يوم الخميس 25-12-08 يوم زفت للغايه.......

سأل عليا سأل عليا بايه سأل عليا بكلامه ولا عنيه..*

سالتهم و انا نفسي الاقي جواب
-"هو ممكن حد يموت من الحيره..؟
او ممكن حد يموت من كتر الانتظار....؟
طيب هو ممكن حد يموت لما صبره يخلص....؟"
-قالوالي :"لا منعرفش...

بس انت هتعرف........
لما انا اموت ان انا اول واحده اموت من الحيره و الانتظار و نفاذ الصبر.....
وساعتها ان حد سالك هتلاقي الاجابه....
*من كتاب قهوه وشوكولاته "عمر طاهر"
*من كتاب أرز بلبن لشخصين"رحاب بسام"
*اغنية لانغام 




i hide my tears when i say ur name but the pain in my♥ is still the same. although i smile & seem carefree , there's no one who misses u more than me !!!!

وبعد تفكير .........................



مش هاقول عايزه واحد يموت في التراب الي بمشي عليه ولا حتي هاقول عايزه واحد يفضلني علي كل حاجه حتي كوباية الشاي ولا هاقول عايزاه يكون شايفني قمر 14 ولا حتي عايزه عيونه فحلقي ولا شعره اخضر.....كل الي بتمناه انهjust يحس بيا ده كل الي بتمناه انوله...



بس بجد كانت صدمه لما اتقالي : انتي كده طلبتي المستحيل ده انا اجيبلك ابو شعر اخضر ولا تقوليلي يحس بيكي , بصي يا بنت الحلال ده تطيري من الفرحه لو فضلك علي التفل اللي في الكوباية ....



وساعتها ضحكت و قلت و ملامح الانتصار علي وشي :



( الشاي ده مش هيدخل البيت ).


النهارده اكتشفت حاجه.....ان اصعب من انك تحبي حد وميحسكيش او يتجاهل حبك ... واصعب من انك تعيطي بحرقه علي حاجه انت عرفه كويس انها عمرها مهتكون ليكي.....الاصعب و الاصعب من ده كله والي هيهون عليكي كل ده .....



لما تكوني ماشيه مع اكتر انسان بتحبيه و معاكي صحبتك الي هي اصلا حبيبة حبيبك الي حبيبك حبك قبلها ....


كل الي هقدر اقوله اني وقعت و مستقبلنيش غير الارض .


بحس ان اكبر كذبه صدقتها وعايشه علي امالها (ان الدنيا تضحكلي) بس الحقيقه اني وقعت و محدش سمي عليا ..... ال تضحك ال ......
ساعتها بس حسيت بهبلي تضحك ايه بس .....عشت مستنيا كتير و تفوت ايام وتعدي ليالي وانا ياعيني عليا لسه مستنياااااااااااااا....
ده انا حتي هرضي بإبتسامه :) ......
عييط لما عرفت انها عمرها ماهتضحك : ولا حتي تغمز ;) و اننا هنفضل في الدوامه دي :(
استغربت اوي لما افتكرت ضحكتي و افتكرت اني غلطانه .... بس جه في بالي علطول منظر دمعتي و ساعتها عرفت اني عندي حق ....
و اتراهنت مع القدرعلي اني هخليها تضحك .... بس شكلها هتضحك عليا ....