BLOGGER TEMPLATES AND TWITTER BACKGROUNDS

نسكافيه نسكافيه نسكافيه

و لما ازهق اشرب كاكاو

و بعد الكاكاو شاي

مع اني بكره الشاي



و هكذا تستمر الحياة


وفي الكام يوم اللي فاته فهمت حاجات كتير اوي كنت عايزه اعرفها....و يارتني مفهمتها و لا عرفتها

- عرفت ان مشكلتي اني ببقا مستنيه من الناس اللي انا عايزه مش اللي هما يقدره يعملوه



-و للمره المليون اعرف قد ايه انا ساذجه



-و فهمت معني كلمه "نداله" ,و ان ازاي كلمه "اسف" ممكن ميبقاش ليها اي معني



-فهمت احساس الطفل الصغير اللي فقد حد عازيز عليه اوي و فقده من غير حتي ما يلحق يشبع منه



-فهمت يعني ايه تفقد حد في دقيقه...و يقلولك انه خلاص مات و ان عليك استيعاب كلمه"مات"بكل ما فيها من الم

-فهمت ان الصاحب بجد مش ضروري يبقا معانا علي طول و مش ضروري يسال كتير....و ان اللي معانا علي طول و بيسال علي طول مش ضروري يبقا صاحب بجد



-و فهت كمان ان الواحد مش من حقه يتكلم و يقول اللي في قلبه ...لان الكلام بيتحسب عليه





-و اتصدمت لما عرفت ان اولوياتي دي اخر حاجه الناس بتفكر فيها



-و فهمت عظمه ربنا و ان ازاي في اللحظه اللي فيها حد بيتولد في حياتنا...حد تاني بيموت.... بس اللي مش قدره افهمه ازاي ممكن نفرح و نحزن في نفس الوقت



اخر حاجه فهمتها معني كلمه وحده




و بجد مبقاش عندي اي فضول لفهم اي حاجه تانيه......


و انا اللي كنت عامله فيها ارجوز

اتريني فعيونك كنت ملل

انا في مرحله هدنه نفسيه...استعد من جديد....اجرد نفسي من كل المشاعر السلبيه....اعيد ثقتي في نفسي تاني....احضر ملابسي.... مساحيق تجميلي...احضر الاغاني المناسبه...و الجمل الغامضه..اتعلم لغه العيون.... اراجع كيف اكون امراه مهزومه و في نفس الوقت تملك زمام الامور....
اجهز نفسي استعدادا لوقوع الضحيه المستهدفه في شباك حبي

 6-6-09 

 

ايه ازاي يعني.....؟ ازاي يعني  عايزين تبيعوا ذكرياتي بجد مش فهماكم ....؟
بطلوا بقا تكسروا مجديفي 

و لقد ارتدت ما بوسعها ان ترتديه.....انا افهمها جيدا فلقد عانية مثلها .....

مشكلتها ليست في دفئ جسدها ولكن في دفئ روحها .....

حاولت اعطائها اياه ....او حتي اعطائها خريطه ايجاده...

و لكنها كانت لا تؤمن بما اقول ...مثلما كانت لا تؤمن بالعلاج النفسي ...

و ان ليس المريض النفسي بمجنون...

فقد كانت تؤمن فقد بالاشياء الملموسه و الارقام....

فقررت تركها الي ان تقع في الحب فيومها ستؤمن باكثر من ذلك





و بهديلي اغنية لما الشتا يدق البيبان
2l post da f 2l draft men 5-8-2009 msh 3arfa liih 

 انا : تعرفي انا زعلانه اوي

نفسي : ليه يا حبيبتي ؟؟

انا : مش هتصدقي ان كل العياط ده انا مش عرفاله سبب 

نفسي : يبقى اكيد حاجات صغيره كتير

انا : انا بجد مش عارفه بس انا تعبت و محدش مقدر اي حاجه انا حاسه اني لوحدي اوي 

نفسي : لا يا حبيبتي متقوليش كده ما انا معاكي و هفضل معاكي انا عمري معرف اعيش من غيرك
انتي بس ادخلي نامي دلوقتي انت مطبقه بقالك يومين و مينفعش كده

انا : طيب ممكن تحضنيني جامد خالص قبل ما انام !؟