كل حد في حياتك بتحكيله حاجه معينه..

بس لما الحد ده بيروح ..

بتحس مش بس بفراغ معنوي...

لا كمان كلام متخزن..

و الكلام يتقل جواك..

و يفقدك شهيتك ..

و كل واحد بيروح بيعلمك تسكت لفتره اطول ..

لغايت ماتبقي لوحدك..

معكش غير ناس ثانويه في حياتك...

لكن الناس المهمه سبولك الكلام و مشيوا..

و مع الوقت ..

هتبطل تحس بتقل جواك..

و السكوت ساعتها هيكون اختياري..

و في كل يوم من الايام دي..

هتلاقي نفسك قبل  ما تنام..

بتحكي لنفسك كل اللي نفسك فيه ...

لسبب بسيط ان هي اللي بتحس بيك ..

وهي الوحيده اللي فعلا بجد هتموت لو انت مت....


*"الأشخاص كالألوان , إذا رحل عن حياتك اللون الأحمر قد يهون عليك اللون الأخضر بعض الألم , لكنه مهما كان مخلصا لن يصبح أحمر فى يوم من الأيام"
 عمر طاهر (جر ناعم)