لو طلعت نتيجه الاستفتاء بنعم..يبقي الله يرحمك يا ثوره ..و كل 


شهيد ثوابه عند ربنا..وكل واحد فقد عينه يعيط بالعين الثانيه 


..وخلاص بقا ارضي باللي هيجري و انت ساكت 







لو طلعت نتيجة الاستفتاء بنعم ..كل واحد يسك على الثورة


..خلاص كده حانبقى بننفخ فى قربة مقطوعة من زمان







لو طلعت نتيجة الاستفتاء بنعم.. فمرحبا بالحزب الوطنى.. وقطاع 


الامن الوطنى.. ولاعزاء للشهداء ولاعزاء للجرحى اللى حايعيشوا 

بعاهة بسبب ثورة فشلت






  
لو طلعت النتيجة بنعم.. كده حنكون بدلنا اسماء باسماء.. بدلنا


 مبارك بطنطاوى اللى بيدير الثورة كيفما شاءت القوى السياسية


وبدلنا امن الدولة بالامن الوطنى اللى حايكافح الارهاب ..وبدلنا 


الحزب الوطنى بحزب الحرية لانهم عايزين يغيروا اسمه.......







ولا كاننا عملنا الثوره علشان نغير الاسماء.. وادى احنا غيرناها 


كفاية بقى كده ..علشان العجلة المصدية للانتاج تدور.. امال 


حايسرقوا مننا ايه.. وعلشان يبقى فيه استقرار اللى كنا ننعم فيه


 بقالنا 30 سنة