BLOGGER TEMPLATES AND TWITTER BACKGROUNDS


انا لما عاتبتك اوي ..

كان نفسي تسمعني و تمتص زعلي..

عشان اهدي ..
عشان احضنك و اعيط ..
و تصالحني
و كل حاجه ترجع حلوه تاني
و الشمس تشرق بالوان قوس قزح من غير مطر 


مش عشان تفتكر اني مش عايزاك ...و تمشي..!


ملعونه كل الاسئله لما الاجابات ماتوصلش

بعيد انت دلوقتي ..!!



ملعونه كل التفاصيل المنمنمه اللي بتخلي العيشة مستحيله

لما اشوف اشبحنا في كل مكان

واقف اتفرج ع المشهد اللي كان

فخورة انا بمسرح ذكرياتي *..


طب اعمل ايه انا لما الحنين يشتد

و اندهه عليك و انت ماتسمعش 

عايزاك انا دلوقتي ...عايزني ؟!


الحب مينفعش ينتهي لانه سر الوجود و انت فين دلوقتي من حياتي ..موجود؟؟!*


و علي عكس قانون الزمن و النسيان الالم زاد جوايا ..زاد اكتر من امبارح و اول و بدايه الاسبوع !! *


12-1-2012
اول اتنين * من كتاب قلم كحل وقلم جاف 
واخر *رضوي طارق


عايزة حد يحبني و انا في اسوء حالاتي ..

يحبني و انا مجنونه و شعنونه و بصوت ..

عايزة حد يحبني و انا مقصرة 


و لما اقوله اني بكرة ميتجاهلنيش !!

لكن يروح يدور عليا و يجبني و يطمني ان كل حاجه هتبقي كويسه 

انا عايزه حد يهتم بيا ..و مايقوليش ماتعيطيش

لكن يحللي مشاكلي عشان ماعيطش

انا عايزة حد يتوغل في اعماقي و يكشف اسراري 

عايزه حد لما اقوله اني تعبانه يهتم بيا معنويا

مش حبه ادويه وخلاص !!


كفراشه فوشيا صغيرة
كل رغبتها ان تطير في سلام
كفراشه فوشيا صغيرة ارادت ان تستسلم للسعاده الابديه

و كفراشه فوشيا صغيرة لم تكن تملك الكثير من الشجاعه
حتي تتمكن من العيش سعيده للابد

كفراشه فوشيا صغيرة
كان حلمها ان تفرض جنونها علي العالم
و تلونه الوانا صارخه تحبها

كفراشه فوشيا صغيرة
وسط جموع من الفراشات السوداء
كانت مختلفه مليئه بالفرح و الامل
و هم يصفونها بالتفاهه و الملل

كفراشه فوشيا صغيرة
لازم تقرب منها بشده لتري الوانها
 لتفهمها و تحبها 

و بغبائك و سطحيتك لاتقول عليها تافهه و ممله 
لاتقول عليها حشره وتبصلها بنظرات استعلاء 


فالفراشات الفوشيا بارواح شفافه ونقيه اكثر من امثالكم بكثير 


فقط دقق النظر و ستحبها


يكفي انها فراشه فوشيا ..صغيرة


ماينفعش تتكسروا دلوقتي ..و انا بتعجز عليكم كده

ماينفعش تستسلموا لوقتي ..وانا بستمد املي منكم

هنشيل عن بعض ..هتعدي..وكله هيبقي كويس..مرينا باصعب من كده ..وكله مع الوقت بيلتأم..!

كنت خايفه اروح ..كنت خايفة اشوفك و تيجي عيني في عينك و معرفش اخفف عنك..كنت خايفه مابقاش صحبتك الللي بميت راجل زي ماكنت ديما بتقول ..!

كنت متوترة دخلت قعدت جنب مامتك ..وفضلت ساكته..و كل شويه تبصلي من بعيد و تقولي اضحكي ..! عارفه انك عايز تستمد قوتك من ضحكتي ..بس الموقف مايضحكش ..!
وعارفه انك كنت خايف اني اعيط ..و انا كمان ..كان الموقف هيزداد سوء مش اكتر ..

اطمنت لما لقيتك اطمنت بوجودي ..شكلك كان متماسك اووي ولولا اني حفظاك ماكنتش صدقت اللي بيحصل !

هي كده في جروح من كتر قوتها بتصدمنا بتجيب رد فعل معاكس !!..

لصمنا بعض .. و وانا مروحه مامتك قعدت توصيني اني ماسيبكش لوحدك ..طمنتها وقولتها ان ده مستحيل ..ومشيت

تاني يوم هي جت معايا عشان تطمن عليك ..و بقيت انا شايله همكم انتوا الاتنين كانكم ولادي !

قعدنا نفتكر في ذكريات كتير و نضحك و نعيط في نفس الوقت !..لغايت ما جت سيرتها كل واحد عمل نفسه الموضوع مايهموش ..!
اتصدمت لما عرفت انها ماكلمتكش ..ولا كلمتها لما حصل معاها نفس الموقف .. كنت متخيله اننا مهما زعلنا من بعض هنقف جنب بعض في المواقف دي !! ..

اتنهت وسكت دقيقة حداد ..!

وكان لازم امشي ..كان نفسي اديكم حضن تفطيس عشان تعرفوا قد ايه انا بحبكم و عمري ماهتخلي عن حد منكم مهما عملتم ..
ما انتم ولادي في حد يضحي بولاده يعني ..؟!
و هفضل احميكم للابد حتي لو انا كنت مكسورة اوي من جوة ..كله هيبقي  كويس ..وكله مع الوقت بيلتأم



يهجرها الجميع وهي لا تفعل شئ



فقد اصبحت  تتقبل الفراق  بصدر رحب




 و ابتسامة ساذجة و عينان دامعتان





البلوج ليست بتاعتي كلها اتمسحت :'((




عاوز الحق...هم شوية زعل كتير..آد الدنيا كلها
زعلانة منك على الحاجات اللي عملتها ..
وزعلانة على الحاجات اللي معملتهاش
زعلانة على اللي بيحصلك واللي هيحصلي




زعلانة عشان انت سبت الفراشاتي تدبل
 ‎و خايفه اشوفك ملاقيش حوليك فراشات طايرة 




زعلانه عشان لما قولتلك اني زعلانه ماهتمتش و زعلتني اكتر




زعلانة عشان انا دلوقتي حاسة اني طفل تايهه
و ماحدش بيدور عليها
وعشان انا كنت حاسة بالامان اووي و الدفا اووي
 و دلوقتي هموت سقعانه لوحدي




زعلانة عشان انا عماله اضحك من كتر الالم و الحاسرة اللي جوايه
و ماحدش فاهم حاجة




زعلانة عشان في يوم مهم زي ده 
تخيلت اني لازم اكون معاك فية و اشركك فرحتك و نكبر مع
 بعض ..و انت استبدلتني بناس تانيه




زعلانة عشان لما قولتلك احنا مابقاش بنا غير بونجور و بون
 نوي قولتلي اي كلام..
و بعدين بطلت حتي تقولي بونجور و بون نوي




زعلانه عشان كان لسه في حاجات كتير اوي نعملها مع بعض 
و اغاني نسمعها و افلام نشوفها و اماكن نرحها 
و حتي كلام نقوله




زعلانة عشان ماكنتش بوحشك
ما كنتش بتصحيني بليل عشان تسمع صوتي
ماكنش شئ مهم عندك انك تسمع صوتي




زعلانة عشان واحنا مع بعض انا عمري ماحلمت بيك
بس دلوقتي بحلم بك علطول بحلم بك حتي و انا صحية 




زعلانة عشان لما قررت تمشي ماقولتليش 
و انا مالحقتش اشبع منك 
وعشان اخر مرة شفتك ماقولتلكش كل اللي ف نفسي
عشان كنت واثقة ان الايام جاية كتير 




زعلانة عشان وقت الخطر و الرصاص انا كنت معاك كنت 
واقفة جنبك و بصيت ورايه لثانيه وبعدين ملاقتكش
زعلانة عشان انت ضيعتني و بعدين خفت عليا 
و زعلانة عشان انا كنت ميته من الخوف و كنت واقفة 
 مستنياك تيجي و انت ماجتش 




زعلانة على كل حاجة ليك علاقة بيها
 حتى الحاجات اللي مش متعلقة بيك 




زعلانة عشان بشرب لبن دلوقتي
وبعيط بحرقة




وزعلانة عشان اللي بكتبه.. وهموت بحسرتي لو مكتبتوش




زعلانة عشان مش هعرف أقولك لما توحشني..
أو أكلمك لما احس إني بحبك
وكمان عشان مش عارفة أبطل تفكير
وعشان كل ما بحلم بيك..مبتجيش لوحدك
بتجيب ناس توجعني معاك.




زعلانة عشان حاسة إني معملتش حاجة في حياتك..
مسبتش ورد وفراشات ملونة ورايا.
.يعني مكنتش موجودة..!!
أنا كنت خيال ملوش لازمة




.زعلانة زعل السنين..
اللي متقدرش مليون آسف تمسحه بكل بساطة.




 عشان أنت بإيدك..عملت كل حاجة تدعو للفراق..وأنا كملت
وأنا مصدقة إن قضبان القطر بتتقابل في نقطة في الأفق
بس لما القطر وصل بعيييييييييد...ملقتش إنهم اتقابلوا !
ولا عمرهم هيتقابلوا..





*اللي مكتوب باللون اللبني لرضوي طارق
العنوان : اغنية لمنير 

ا



تقول الاسطورة :"الشرنقه اللي باللوان قوس قزح بتخرج فراشات فوشيا ..


والفراشات الفوشيا بالف روح هشه ..



مابتمتش لكن بتديل و بيبقي لونها اخضر

 و لما الفراشات الفوشيا بتدبل و بعد ماتجيب كل دراجات الاخضر 


الكئيب و محدش يطبطب عليها



 فجأة بيطلع نور من قلبها و تتحول لديناصور اخضر صغير

بس السؤال هل ممكن الديناصور يرجع للشرنقه تاني ..


او يرجع فوشيا تاني ؟؟



الديناصور الاخضر الصغير قلبه لسه فوشيا وجواه فراشه صغيرة 




و ان ماحدش طبطب عليه مع الوقت





هيتحول لتنين لونه زيتي و يموت منتحر ف الاخر


لان الاخضر بهت علي قلبه





البوست شخصي ورغي ودوشه 

علي فكرة كان ممكن اوي تقولي انه خلاص كده ..

احنا اتفقنا ان لو حد فينا خلاص مش عايز يكمل يقول ..ساعتها قولتلي كلام مش فكره بالضبط بس بمعني ابدا و مستحيل وكلام سخيف من ده ..



كان ديما عندي هاجس انك هتسبني قريب اووي ..بس ماتخيلتش انه بالسرعه دي ..
و زي كل الناس اللي بحبهم بيمشوا في هدوء و من غير ولا كلمه  ..شئ قاتل 


يعني ايه يعني نبقي مع بعض واحنا مش مع بعض ..و كل واحد لوحده ..يعني ايه !!؟


ماصدقتكش لما قولتلي امتحانات يعني ماعندكش 5 دقايق بس تطمن فيهم عليا ..كتير 5 دقايق يعني !؟


كسرت معاك كل القواعد و القوانين اللي عاهدت بيها نفسي ..و سبت نفسي ..سبت نفسي احبك.. و سبت نفسي  اغير سبت نفسي ليك


تخيلتك غيرهم تخيلتك فكرني غيرهم 


في البدايه كل حاجه كانت رائعه.. كل كل حاجه كانت سحريه جميله ..


و فجاة الدنيا باظت مني و انا مش عارفه ليه و مش عارفه اعمل ايه ؟..


بس لقيتك مش بتحارب عشاني لاقيتك سايب كل حاجه تبوظ  و بتقولي شويه حجج مش منطقيه و انا صدقتها عشان كنت عايزة اصدق انك هتفضل معايا ..عشان صدقت انك مختلف


حاسه اني مش فاهمه حاجه 
و مش عارفه فين المشكله نفس كل حاجه بتتكرر و انا مش فاهمه انا بعمل ايه غلط ف كل مره ولا هي المشكله فين 
انا تعبت بجد 
و المشكله انك مش حاسس ان في مشكله اصلا


علي فكرة كان ممكن تقولي قرارك ..
علي فكره كان لازم تقولي 


لو كنت عايز تفهمني حاجه من اللي بتعملو ده احب اقولك اني مش فهمت حاجه


انا كنت مراعيه جدا و مكنتش عايزة اضغط عليك ولا اناقشك في كل ده قبل الامتحانات متخلص بس حسيت انك مش فارقه معاك لدرجه ..
انك مش هتهتم للدرجه لانك اصلا مش مهتم 


انا مابقولكش ده عشان تهتم ولا عايزه حاجه اصلا بس فعلا مكنتش قادره اكتم في نفسي 

و ماتحاولش تناقشني في الكلام ده كل حاجه واضحه جدا بقلها 
فترة بس انا اللي كنت بعمل نفسي مش شايفه 


بهتم بتفاصيل التفاصيل و حاجات كتير ضيقتني بس كنت بقول احنا اكبر من كده بكتير ..كنت متخيله ان دي تفاهات 


3 شهور كالعاده بس عدو كانهم 3 سنين بتفاصيل كتير اوي
و واضح ان انا كنت بحبك اكتر 


و مش عايزاك ترجع تكلمني بعد ماتقرا ده خلاص كده قرارك باين مش محتاج توضيح انا بس اللي كنت بكدبني 


انا قبلك كنت متونسه بوحدتي و متعايشه عشان عارفه ان مافيش حد بس ان يكون في حد و انا برده اكون لوحدي دي حاجه وحشه اوي اوي جدا 



في النهايه  احب اشكرك جدا جدا خالص علي عدم الاهتمام الرهيب في يوم مهم زي امبارح ... تخيلت اني لازم اكون موجوده فيه 




بس كده ..