انا مش كويسه اوي بس لسه عايشه ..لسه برقص كتير و برسم و الون و اغني بصوت عالي وحش ..
لسه يوم الجمعه بروح عند جدتي.. المكان اللي فعلا بنجح فيه اني ابقي زي ما انا فعلا علي حقيقتي وعلي طبيعتي ..
جدتي العزيزة توئم الروح ..
لسه بمبسط و بفرح اووي لما حد يقول اني شبهها ..يمكن عشان احنا الاتنين جوزاء ..بس ان انا مش حلوة كده ..و مش طيبه كده ..و روحي مش شفافه كده ..نفسي مبقاش شبهها نفسي ابقي زيهها بالضبط ..! :)
ساعات بحس ان روحي اكبر من روحها الشفافه الشبابيه المرحه ..

بحبك اوي و عارفه انك بتحبيني و 
شايفاني جملية و شفافه و ده ساعات بيحبطني
و ساعات بيخليني اعمل المستحيل عشان الصورة دي متتهزش ..

يخليكي ليا يارب